Atzo hiru eta laugarren mailako neska mutilak Arantzazura joan ziren.

Bertan arte garaikidea eta inguruak ikusteaz gain artzain munduari buruzko hainbat gauza ikasi zituzten eta gatzatoa egin eta dastatzeko aukera izan zuten.

Hona hemen argazkiak

374

Joan zen Urtarrilaren 30ean munduan zehar nazioarteko pakearen eguna ospatu zen. Egun hau 1964. urteaz geroztik hasi zen ospatzen, hain zuzen ere Mahatma Gandhiren heriotzaren urteurrena dela eta.

Gu ere saiatu ginen. Ikastetxeko  guztiok parte hartu genuen  antolatutako ekitaldian. Pakearen ikur ugariren artean eta Mikel Laboaren "Txoria txori" abesten genuen bitartean  bakezaletasuna aldarrikatu  eta indarkeria gaitzetsi genituen kanpoko jolaslekuan.

Gandhik zioen bezala:" Pakea lortzeko ez dago biderik, Pakea, bera da bidea"

Eta bake-bakean bukatu genuen ekitaldia.

Ikusi hemen argazkiak. (Hurrengo orrian "dercargar"en klikatuz gero segundu batzuk itxoin eta musika duen aurkezpen bat agertuko da)

Gaur, otsailak 15, Angelman sindromearen nazioarteko eguna ospatzen da. Sindrome hau duten umeek adimen eta psikomotore atzerapena izaten dute eta besteak beste komunikazio gaitasun urriak  dituzte. Gaixotasun arrarotzat hartzen da, jaiotako 20.000 eta 30.000 umeen artean batek bakarrik izaten baitu sindromea.

Dakizuenez Estatu Batuetan gai honi buruz egiten ari diren ikerketak bultzatzeko mugikor zaharrak jasotzen ari gara aspaldian. Hain zuzen ere 338 jaso ditugu dagoeneko eta oraindik  epea zabalik dago, beraz oraindik sasoian zabiltzate gehiago ekartzeko. 

Aitorrek sindrome hau du, hiru urteko gelan dago eta badu zeregina franko. Baina ez berak bakarrik ingurukook ere badugu ikastekorik:

Samielako hezkuntza elkartea osatzen dugun guraso, ikasle, irakasle, zaintzaile garbitzaile eta beste guztiok Aitor ondo zaindu, babestu, hezi eta maitatu nahi dugu horretarako gaixotasuna ezagutzetik hasi beharko genukelakoan gaude beraz hemen apur bat ulertzen lagunduko digun informazioa.

Zuekin gaude!

Oharra

Gaur dugun eguraldia ikusita karnabaletako jaialdia frontoian egingo dugu. Erakustaldia 15:15etan hasiko da.

Kontutan izan 16:00etarako frontoia libre utzi behar dugula.

FEGUIAPAk, Gipuzkoako Guraso elkarteen federazioak, urtero antolatzen du marrazki leihaketa Gipuzkoa mailan. Guk urtero partzen dugu eta askotan lortu ditugu sariak.

Oraingoan 4 urteko gelako June Ibaibarriaga Collazok  Gabonetako marrazki leihaketan 2. saria irabazi zuen.

Garaikurra eta opari ederrak jaso zituen.

Zorionak June jarraitu horrela!

Urtarrilaren 28tik Otsailaren 8ra  matrikulatze epea zabaltzen da, eskeintzen dizuegunaren berri emateko batzar bat izango dugu. Bertan gelak eta instalazio  guztiak ikusteaz gain, irakasleekin edozein zalantza argitzeko aukera izango duzue.

Horretarako aukeratu dugun eguna, Urtarrilak  28 da, arratsaldeko 18,30 etan ikastetxean.

Gaur goizean Letizia,  Ima Arrunategiren ahizpa, etorri zaigu eskolara.

Badakizue Leti Perun bizi dela eta gure proiektu solidarioaren ardatz nagusia bera dela; gabonetan egutegiekin jasotako diru guztia berak erabiliko bait du Hego Cumbibirako haurrei gosaria erosteko.

Umeei guzti honen berri eman eta hango egoera latza aurrez aurre azaltzeko 5-12 urte bitarteko umeekin taldeka bildu da. Gure proiektua azaltzeko bideoa ikusteko aukera ere izan dute haurrek eta makina bat galdera egin diote.

Oso interes haundia erakutsi  eta jarrera ezin hobea izan dutela esan digu Letik.

Bukatzeko edozeini era guztietako azalpenak eskeintzeko prest dagoela esanaz agurtu zaigu.

Gaur benetan gauza garrantzitsuak ikasi ditugu denok. Mila esker Letizia.

Argazkiak

Bigarren eta hirugarren mailako umeak zaharren egoitzara joan dira tanborrada jo, gure aitona amonei bizi poza eman  eta apurtxo bat alaitzera.

Bertakoek biziki eskertu digute gure umore ona eta beraiek ere dotore jo dute . Haurrek bide batez eskuzabaltasuna eta maitasuna erakustearen garrantziaz jabetzeko pausu txiki bat eman dute. (Argazkiak)

Gora San Sebastian!